Nire bizitzako ibilbideak, eta baita hartutako esperientziak ere, gizartearen eraldaketan tokiko jardunek duten garrantziaren defendatzaile sutsu izatera eraman naute. Tokiko erakundeek politika eraldatu eta subjektu berrien eraketaren bitartez proiektu kohesionatzaileak sortzeko duten gaitasunean sinesten dut.

Baina politikaren eraldaketa soilik haren protagonisten eraldaketatik etor liteke, hau da, gure eraldaketa propiotik. Azken batean, gure identitatea gu geu eraldatzeko dugun gaitasunaren arabera eraikitzen baita. Ez dago garapenik eraldaketa pertsonal eta kolektiborik gabe.

Egun, sinesmen honek eramaten nau nire esperientzia eta ezagutza tokiko kudeaketan dabiltzan horiei laguntzera bideratzea, bertatik, gizartea eraldatzeko gai izan gaitezen.